झापा–५ का रास्वपा उम्मेदवार बालेन साहलाई जिताउने भन्दै बुधबार रास्वपा प्रवेश गरेका एमालेको युवा संघ दमक नगर कमिटी सचिव कमल गैरे एकरातमै एमाले फर्किएका छन्।

गैरेले केही व्यक्तिहरूको दबाब र प्रभावमा परी सामाजिक सञ्जालमार्फत पार्टी छोडेको भनेर लेखेको दाबी गरेका छन्।

पार्टी परित्याग गरेपछि गहिरो सोच, अध्ययन र विश्लेषण गर्दा एमाले मात्र राष्ट्र र जनताको आशा र भरोसाको केन्द्र रहेकाले हिजो गरेका गल्तीलाई सच्याइ ‌समृद्ध नेपाल सुखी नेपालीको राष्ट्रिय आकांक्षा बोकेको पार्टीमा फर्किएको उनले घोषणा गरेका छन्।

‘हिजो पनि यहीँ थिए आज पनि यहीँ छु र भोलि पनि यहीँ रहने प्रतिबद्धता व्यक्त गर्न चाहन्छु,’ उनले भनेका छन्।

उनी थप्छन्, ‘दमक तथा झापा क्षेत्र नम्बर ५ हुँदै समग्र राष्ट्रकै विकासका लागि राष्ट्रनायक केपी ओली नै भएको हुनाले केपी ओलीलाई जिताउनका लागि म यथाववत रुपमा यही पार्टी तथा संगठनमा रहि यो अभियानलाई पुरा गर्ने संकल्प सहित प्रतिबद्ध रहेको सम्पूर्णमा जानकारी गराउन चाहान्छु।’