एमाले अध्यक्ष केपी ओली प्रधानमन्त्री सुशीला कार्कीको निमन्त्रणामा बालुवाटार पुगेका छन्।

बिहीबार दिउँसो प्रधानमन्त्री निवासमा ओली र कार्कीबीच ३ घण्टा लामो वार्ता भएको प्रधानमन्त्रीको सचिवालयले जनाएको छ।

प्रधानमन्त्रीले ओलीसँग निर्वाचनका विषयमा कुराकानी गरेको सचिवालयले बतायो। ओलीले चुनावी वातावरण नबनेको फेरि दोहोर्‍याएका थिए।

प्रधानमन्त्रीले चुनावी वातावरण बनिसकेको, ओलीमाथि लगाएको स्थानहद फुकुवा भइसकेको र जाँचबुझ आयोगले पनि सहजपूर्वक ओलीलाई विशेष सुविधा दिएर डेराबाटै बयान दिएको सम्झाइन्।

ओलीले चुनावी वातावरण बनेमा एमाले चुनावमा भाग लिन तयार रहेको बताएका प्रधानमन्त्रीको सचिवालयले जनायो।

चुनावको मिति नजिएसँगै जेनजी आन्दोलनको बलमा सत्ताच्यूत भएका ओलीको बालुवाटार ओहोरदोहोर बाक्लिएको छ। केही समयअघि पनि प्रधानमन्त्री कार्कीले ओलीसहित प्रमुख दलका शीर्ष नेताहरूसँग सामूहिक छलफल गरिसकेकी छन्।