नेकपा (एमाले)का उपाध्यक्ष पृथ्वीसुब्बा गुरुङले आगामी निर्वाचनमा राष्ट्रिय स्वतन्त्र पार्टी (रास्वपा)लाई काउन्टर दिन कांग्रेस, एमाले र नेपाली कम्युनिष्ट पार्टी (नेकपा)बीच गठबन्धन हुनसक्ने खुलासा गरेका छन्।

शनिबार एमाले लमजुङले बेसीशहरमा आयोजना गरेको कार्यक्रमलाई सम्बोधन गर्दै उनले आगामी चुनाव नयाँ र पुराना दलका बीचमा हुनसक्ने बताए।

रास्वपामा काठमाडौंका मेयर बालेन साह र कुलमान घिसिङ पनि जोडिएपछि पुरानाहरूबीच चुनावी मोर्चाका लागि छलफल सुरु भएको उनको भनाइ छ।

उपाध्यक्ष गुरुङले कांग्रेस र एमालेबीच ७०/७० सिट र बाँकी २५ सिट प्रचण्ड संयोजक रहेको नेकपालाई दिन सकिने खुलासा गरे।

 उनले भने, ‘प्रारम्भिक रूपमा कांग्रेस सभापति शेरबहादुर देउवा र एमाले अध्यक्ष केपी शर्मा ओलीबीच छलफल भइरहेको छ । छलफलमा नेकपा पनि मिसिएको छ। प्रचण्डहरूलाई पनि मिसाएर लैजाने हुनसक्छ।’