पछिल्लो पटक फिल्म टाइगर–३ मार्फत ठूलो पर्दामा देखिएका सलमान खान फिल्मी दुनियाँमा फर्किने प्रतिक्षामा सिनेप्रेमीहरु उत्सुक छन्।

भर्खरै, सलमानको आगामी फिल्मको आधिकारिक घोषणा गरिएको छ, जसलाई आमिर खानको २००८ को सुपरहिट फिल्म गजनीका निर्देशक एआर मुरुगादासले निर्देशन गर्दैछन्।

यसैबीच, फिल्म निर्माताले अहिले सलमान खानको आगामी फिल्मको कथाको बारेमा खुलेर कुरा गरेका छन् र यस फिल्ममा भाइजानको चरित्र अनौठो हुने बताएका छन्।

सलमान खानको फिल्मको कथा कस्ताे छ?

सलमान खान र एआर मुरुगादास पहिलो पटक फिल्ममा सँगै काम गर्न लागेका हुन्।

हालै निर्देशकले टाइम्स अफ इन्डियालाई यस शीर्षकविहीन फिल्मको बारेमा पछिल्लो अन्तर्वार्ता दिएका छन्।

यस क्रममा उनले भने, 'यो एक शक्तिशाली एक्शन थ्रिलर फिल्म हुनेछ। जसको कथाले तपाईलाई रुवाउँछ र बलियो सामाजिक सन्देश पनि दिनेछ। यो फिल्म प्यान इन्डिया फिल्मसँगै रिलिज हुनेछ। यो फिल्म मार्फत दर्शकले सलमान खानको नयाँ अवतार हेर्न पाउनेछन् भन्ने कुरामा म विश्वस्त छु।'

एआर मुरुगादासको यो भनाइपछि अभिनेताको आगामी फिल्मलाई लिएर फ्यानमा उत्साह बढेको छ।

हालै सलमान खानले आफ्नो आधिकारिक इन्स्टाग्राम ह्यान्डलमा यो फिल्मको आधिकारिक घोषणा गरेका छन्। साजिद नाडियाडवाल पनि निर्माताको रुपमा यसमा जोडिएका छन्।

कहिले रिलिज हुन्छ सलमान खानको फिल्म?

इदमा सलमान खानको फिल्म रिलिज हुनुलाई फ्यानहरुका लागि विशेष ईदीका रुपमा हेरिएको छ। 

यस वर्ष नभए पनि सलमान खानले अर्को वर्षको इद बुकिङ गरेका छन्। एआर मुरुगादासको निर्देशनमा बनेको भाइजानको यो चलचित्र २०२५ को इदको अवसरमा हलमा रिलिज हुनेछ।