पाकिस्तानको कराँची प्रशासनले राशिद मिन्हास रोडमा रहेको सपिङ मललाई सिल गरेको एआरवाई न्यूजले जनाएको छ।
आगलागीका कारण ११ जनाको मृत्यु भएको छ भने पाँच जना घाइते भएका छन्। शनिबार बिहान कराचीको गुलिस्तान–ए–जौहर क्षेत्रमा रहेको छ तले भवनमा आगलागी भएको थियो।
अधिकारीहरुका अनुसार शपिङ मलमा भेन्टिलेसन नभएका कारण मृत्यु भएको हो। नौ शवको पोष्टमार्टम गर्दा सबैको मृत्यु निसास्सिएर भएको रिर्पोटमा देखिएको छ।
बिहान करिब ६ः३० बजे लागेको आगोले सपिङ मलको चौथो, पाँचौँ र छैठौँ तलामा क्षति पुर्याएको थियो।
सिन्धका कार्यवाहक मुख्यमन्त्री मकबुल बाकारले यस बीचमा सबै व्यावसायिक भवनहरू, सार्वजनिक स्थलहरू र कार्यालयहरूको सुरक्षा अडिट गर्न आदेश दिएका छन्।
मुख्यमन्त्रीले सिन्ध भवन नियन्त्रण प्राधिकरण, प्रादेशिक विपद् व्यवस्थापन प्राधिकरण, नागरिक रक्षा, र सम्बन्धित आयुक्तहरूलाई सबै सार्वजनिक र व्यावसायिक भवनहरू, शैक्षिक संस्थाहरू, र सरकारी कार्यालयहरूको सुरक्षा अडिट गर्न र सिफारिसहरूसहितको रिपोर्ट पेश गर्न निर्देशन दिएका थिए।
पाकिस्तानको आर्थिक हब, कराँची, कारखाना र अग्लो अग्लो क्षेत्रहरूको विशाल नेटवर्कको घर हो, तर शहरको अग्नि नियन्त्रक पूर्वाधार यसको बारम्बार आगोसँग सामना गर्न अपर्याप्त छ।
गत हप्ता सहरी योजनाकार र इन्जिनियरहरूले एक गोष्ठीमा कराचीका लगभग ९० प्रतिशत संरचनाहरू (आवासीय, व्यावसायिक र औद्योगिक) मा आगो रोकथाम र अग्नि नियन्त्रक प्रणालीको अभाव भएकाे बताएका थिए।
