संखुवासभाको मकालु गाउँपालिका २ र ५ नम्बर वडामा पर्ने ओयाङ्गमा पहिरो खसेपछि अरुण नदी आशिंक रुपमा थुनिएको छ।
जिल्ला प्रहरी कार्यालयका डीएसपी नवराज मल्लका अनुसार करिब ६ सय मिटर माथिबाट झरेको पहिरोले अरुण नदी थुनिँदा करिब ३ सय मिटर पानी जमेर ड्याम बनेको छ ।
आइतबार गएको पहिरोले एक परिवारका ७ जना विस्थापित भएका छन् । विस्तृत जानकारी आइसकेको छैन ।
प्रहरीले अरुण नदी आसपास बस्ती रहेको अरुण तेश्रो आयोजनाको पावरहाउस स्थल पुखुवा आसपास र हेलुवाबेसी, चेवाबेसी, मनकामनालगायतका क्षेत्रका स्थानीयलाई अरुण नदी आसपास नजान र सर्तक भएर बस्न आग्रहसमेत गरेको छ ।
.jpg)
