अहिले कर्णाली एवम् सुदुरपश्चिम प्रदेशमा छाउगोठ भत्काउने लहर सुरु भएको छ । गृहमन्त्रालयको निर्देशनमा सुरु भएको छाउगोठ भत्काउने अभियान पूरा हुन अब धेरै दिन लाग्दैन । पछिल्लो आँकडा अनुसार १९ जिल्लामा लगभग पाँचहजार घर भत्काइ सकिएको छ । स्थानीय सरकार, जनप्रतिनिधि र प्रहरीसमेत अहिले छाउगोठ भत्काउने अभियानमा छन् ।
छाउगोठ भत्काइएपछि गरिएका प्रचारप्रसार देख्दा लाग्छ । प्रधानमन्त्री केपी शर्मा ओलीले देख्नुभएको सपना ‘सुखी नेपाली समृद्ध नेपाल’ निर्माणका लागि छाउगोठ प्रमुख बाधक थियो । भत्कियो, भत्काइयो । लगत्तै कर्णालीमा समृद्धिको सुरुवात हुन्छ ।
