अस्ट्रेलियाको साउथ अष्ट्रेलिया सरकारले जेनरल स्किल्ड माइग्रेसन नोमिनेसन प्रोग्राम बन्द गर्ने भएको छ ।
साउथ अष्ट्रेलिया इमिग्रेसनले जनाएअनुसार प्रोग्राम स्थानीय समयअनुसार जुन २४ बिहान ९ बजे देखि बन्द हुने छ ।
इमिग्रेसनका अनुसार, पाइलट प्रोजेक्टको रुपमा भिसामा ल्याइएका विभिन्न योजना अपडेट गर्न समय चाहिएकाले केही समय नोमिनेसन प्रोग्राम बन्द गरिन लागिएको हो ।
यस बीचमा १९० / ४८९ एप्लिकेसन पेश भएका तर प्रोसेस पूरा नभएका निवेदनहरू डिलिट हुने पनि साउथ अष्ट्रेलिया इमिग्रेसनले जनाएको छ ।
नोमिनेसन प्रोग्राम जुलाई पहिलो सातादेखि पुन: सुचारु हुने जनाइएको छ । त्यसको मिति र समय भने जुलाई सुरू भएपछि जानकारी दिने बताइएको छ ।
साउथ अष्ट्रेलिया इमिग्रेसनको यो निर्णयले जेनरल स्किल्ड माइग्रेसन नोमिनेसन प्रोग्राममा साउथ अस्ट्रेलिया जाने नेपाली पनि प्रभावित हुने भएका छन् ।
