गौशाला २६माथि बलात्कार गरेको आरोपमा दोषि ठहर भएका क्रिकेटर सन्दीप लामिछानेमाथि क्रिकेट संघ (क्यान) अनिर्णित बनेको छ। 

लामिछाने दोषि ठहर भएको हप्ता दिन पुगेको भए पनि क्यानले उनलाई कार्वाही गर्न सकेको छैन। पुस १३ गते उनलाई जिल्ला अदालत काठमाडौँले बलात्कार मुद्धामा दोषि ठहर गरेको थियो। 

बलात्कार आरोप मात्र लाग्दा राष्ट्रिय टोलिका कप्तानसमेत रहेका लामिछानेलाई क्यानले निलम्बन गरेको थियो। तर अहिले दोषि ठहर भएको हप्ता दिनसम्म पनि क्यान अनिर्णित बनेको छ। 

क्यानका सचिव पारस खड्काले अहिलेसम्म सन्दिपका विषयमा कुनै निर्णय गर्न नसकेको बताए। उनले भने ‘सन्दीपका विषयमा हाम्रो कानुनी सल्लाहकारले सन्दीपको वकिललसँग छलफल गरिरहनु भएको छ। अदालतले पुस २५ मा जे फैसला गर्छ त्यसपछि हामीले आधिकारी निर्णय गरछौँ।’

१३ गते अदालतले सन्दीपलाई दोषि ठहर गरेको भए पनि साजय तोकेको छैन। त्यसका लागि यही पुस २५ गते पेशी तोकिएको छ। 

सन्दीपविरुद्ध गत वर्ष भदौ २१ गते बलात्कार गरेको उजुरी परेको थियो।