नेपाल जारी साफ यू- १६ महिला फुटबल प्रतियोगिताको फाइनलमा पुग्न असफल भएको छ।

ललितपुरस्थित च्यासल मैदानमा सम्पन्न लिग चरणको अन्तिम खेलमा भारतसँग १०-० को लज्जास्पद हार बेहोरेसँगै नेपाल फाइनलमा पुग्न असफल भएको हो।

जारी प्रतियोगितामा भारतको यो दोस्रो जित हो। भारतले पहिलो खेलमा भुटानलाई ७-० गोलले पराजित गरेको थियो। भने, दोस्रो खेलमा बंगलादेशसँग ३-१ ले हार बेहोरेको थियो।

यो जितपछि भारतको ३ खेलमा ६ अंक भएको छ र फाइनल खेल्ने निश्चित भएको छ।

नेपालले आफ्नो पहिलो खेलमा बंगलादेशसँग २-० गोलले हार बेहोरेको थियो। भने, दोस्रो खेलमा भुटानलाई ३-० ले पराजित गरेको थियो। यो हारपछि नेपालको ३ खेलमा ३ अंक रहको छ।

अब समूह चरणको अन्तिम खेलमा शुक्रबार बंगलादेशले भुटान खेल्न बाँकी रहे पनि फाइनलमा भारत र बंगलादेश खेल्ने निश्चित भएको छ।

फाइनल खेल आइतबार हुने छ।