दक्षिण एसियाली फुटबल महासंघ (साफ) महिला यू-१९ च्याम्पियनसिपको पहिलो खेलमा नेपालले आज आयोजक बंगलादेशसँग खेल्दैछ।

खेल बंगलादेशको राजधानी ढाकास्थित मुस्ताफा कमल रंगशालामा बेलुका पौने ७ बजेबाट सुरू हुँदैछ। यू-१९ साफ महिला च्याम्पियनसिपमा बंगलादेश सफल टोली हो। बंगलादेशले हालसम्म तीन पटक साफ यू-१९ को उपाधि हात पारेको छ।

यसपटक पनि बंगलादेशलाई उपाधि दाबेदारको रूपमा हेरिएको छ। यता, नेपाल यसपटक च्याम्पियनको उपाधि जित्ने लक्षयका साथ मैदानमा उत्रिनेछ। आजै हुने अर्काे खेलमा भारत र भुटान भिड्दै छन्।

यस्तो छ नेपाली टोली

गोलकिपर: सुजाता तामाङ, करुण बुढाथोकी, लीला जोशी

डिफेन्डर : दिभ्या यस्माइली मगर, सीता रोकाया, रोजिता विष्ट, सरिता कुमारी नाथ, गंगा रोकाया, सिम्रन राई र माया मास्के

मिडफिल्डर: विर्सना चौधरी, जुना विश्वकर्मा, सार्हा बज्राचार्य, सुशीला केसी, भावना परियार र पुनम चेम्जोङ

फरवार्ड: सेनु परियार, सुक्रिया मिया, बर्षा वली, लीला चन्द, पुर्णिमा राई, समीक्षा मगर र सजिना स्याङ्तान