एएफसी यू–२३ एसियन कप छनोट आजदेखि सुरु हुँदै छ। बुधबार नेपालले ताजकिस्तानको दुसान्बेस्थित पामीर स्टेडियममा घरेलु टिमसँग पहिलो खेल खेल्दैछ।

नेपाल र ताजकिस्तान बीचको खेल नेपाली समयअनुसार साँझ ८ः१५ बजे सुरु हुनेछ। समूह ‘के’मा रहेको नेपालले ताजिकिस्तान, फिलिपिन्स र सिरियासँग खेल्नेछ। सेप्टेम्बर ६ मा सिरिया र सेप्टेम्बर ९ मा फिलिपिन्ससँग खेल्नेछ।

टोलीका प्रमुख प्रशिक्षक नवीन न्यौपाने हुन् भने टोलीमा गोलकिपर क्रिसल मोक्तान, अमित टमाटा, विशाल केसी छन्। डिफेन्डरमा विवेक गुरुङ, विशाल नेपाली, लहान सुब्बा, निग्मा लामा, राम थापा, शंकर थारु, सीमान्त थापा छन्।

मिडफिल्डरमा आयुष घलान(कप्तान), अभिषेक स्यान्तान, एरोन थापा, निरज कार्की, दिपेश गुरुङ, कृतिस रत्न छुन्जु, पुजन थापा, संजीव लामा, सन्तोष खत्री, सुजन मगर, सुमित श्रेष्ठ रहेका छन्।

फर्वाड निराजन धामी र रोहन खड्की छन्।