नेपाल प्रिमियर लिग (एनपीएल)को बुधबारको खेलमा विराटनगर किंग्सलाई पराजित गर्दै लुम्बिनी लायन्सले प्लेअफ पुग्ने सम्भावना जीवितै राखेको छ।

विराटनगरले दिएको १४५ रनको लक्ष्य पछ्याएको लुम्बिनीले १७.४ ओभरमा ५ विकेट गुमाएर पूरा गर्‍यो।

६ खेलमा तेस्रो जित निकालेको लुम्बिनी ६ अंकसहित तालिकाको चौथो स्थानमा उक्लेको छ।

लुम्बिनीको जितमा डार्सी सर्टले सर्वाधिक ५७ रन बनाए। निरोशन डिकवेलाले अविजित २९ रन योगदान गरे।

बलिङमा विराटनगरका कप्तान सन्दीप लामिछाने र सुभाष भण्डारीले २/२ विकेट लिए।

त्यसअघि टस हारेर पहिले ब्याटिङ गरेको विराटनगरले निर्धारित २० ओभरमा ८ विकेट गुमाएर १४४ रन बनाएको थियो।

विराटनगरका लागि लोकेश बमले ४२ बल खेल्दै ३५ रन जोडे। यस्तै बसिर अहमदले १९ बलमा १ चौका र १ छक्का प्रहार गर्दै २८ रन योगदान गरे।

बलिङमा लुम्बिनी लायन्सका शेर मल्लले ३ विकेट लिए। जेजे स्मिथ, अभिशेष गौतम र रुबेन ट्रम्पलम्यानले १/१ विकेट लिए।