दोस्रो संस्करणको नेपाल प्रिमियर लिग (एनपीएल)को आजको दोस्रो खेलमा सुदूरपश्चिम रोयल्सले ६ विकेटले जित हासिल गरेको छ।

शनिबार त्रिवि क्रिकेट मैदानमा भएको दोस्रो खेलमा जनपुरले दिएको २४६ रनको लक्ष्य सुदूरपश्चिमले १७.४ ओभरको खेलमा ४ विकेट गुमाउदै पूरा गर्‍यो।

सुदूरपश्चिमको जितमा इशान पाण्डेले सर्वाधिक ५६ रन बनाए। विनोद भण्डारीले ४२ रन बनाए।

बलिङमा जनपुरका माज सदाकतले २ विकेट लिए।

टस जितेर पहिले ब्याटिङ गरेको जनकपुर बोल्ट्सले निर्धारित २० ओभारको खेलमा ८ विकेट गुमाउँदै १४५ रन बनाएको थियो।

जनकपुरका लागि सञ्जय कृष्णमूर्तिले अर्धशतक बनाए पनि जितका लागि पर्याप्त भएन।

बलिङमा सुदूरपश्चिमका अभिनास बोहराले सर्वाधि ४ विकेट लिँदा स्कट कुगेलजिनले ३ विकेट लिए।

सुदूरपश्चिम रोयल्स हालसम्म अपराजित छ। सुदूरपश्चिम ५ खेलमा सबै जित जित निकाल्दै अंक तालिकाको शीर्ष स्थानमा छ।

जनकपुर बोल्ट्सको यो चौथो खेल हो। जनकपुरले यसअघि कुनै पनि खेल जितेको छैन।