काठमाडौंको तारकेश्वर नगरपालिका-९, मनमैजुमा अभ्यासका क्रममा एक पुरुषको घाँटीमा तीर लागेको छ।
मनमैजुस्थित खेल मैदानको बोर्डमा तीर हान्ने अभ्यासका क्रममा तीर लागेर मनमैजु बस्ने ४१ वर्षीय हरिप्रसाद घर्ती घाइते भएका छन्। उनको घाँटीको दाइने भागमा तीर गाडिएको छ।
घाइते घर्तीलाई उपचारका लागि त्रिवि शिक्षण अस्पताल, महाराजगञ्ज लगिएको थियो।
सोमबार करिब ३ बजेतिर काठमाडौं-१६, माछापोखरी बस्ने २४ वर्षीय रितिक छन्त्यालले तीर हानेका थिए।
तीर हान्ने रितिकलाई प्रहरी वृत्त, बालाजुले नियन्त्रणमा लिएर अनुसन्धान गरिरहेको बताएको छ।
१ .
२ .
३ .
४ .
५ .
