वैदेशिक लगानीबारे जानकारहरू यसपटक अमेरिका र इयुको अरुची अर्थपूर्ण रहेको बताउँछन् । नेपाल उद्योग वाणिज्य महासंघका एक पदाधिकारीका अनुसार नेपालस्थित अमेरिकी राजदूत र्यान्डी बेरी लगानी सम्मेलनका बेला बिदामा बस्न लागेका छन् ।
१० चैत, काठमाडौं । चैत १५ गतेदेखि सुरु हुने दुई दिने लगानी सम्मेलनको नारा छ-विश्वका शीर्ष लगानीकर्ताहरू एउटै छानामुनि । तर, सम्मेलनमा आउन प्रतिवद्धता जनाएका ३८ देशका ६३० सम्भावित लगानीकर्तामध्ये आधाभन्दा बढी चीन र भारतका छन् ।
