अस्ट्रेलियामा दुई जनाको ज्यान जाने गरी भएको पछिल्लो सवारी दुर्घटनाका चालक सागर भट्टराई पक्राउ परेका छन् । सिड्नीबाट विमान चढेर भाग्न खोज्दा उनी विमानस्थलबाटै पक्राउ परेका हुन् ।
प्रहरीका अनुसार शुक्रबार बेलुका ७ बजे उनी विमान चढेर भाग्न लागेका थिए । उनलाई खतरनाकरुपमा गाडी चलाएका विभिन्न चारवटा अभियोग लगाइएको छ ।
यो पनि हेर्नुहोस्
आत्मियता छ र त जीवन सुन्दर छ ।
पक्राउ गरिएका सागरलाई मस्कट प्रहरी स्टेशनमा लगिएको प्रहरीले जनाएको छ । उनलाई शनिबार पारामाटा जमानत अदालतमा पेश गरिने छ ।
गएको जुलाई २८ तारिख विहान ३ बजेर ४० मिनेट जाँदा अष्ट्रेलियाको पर्थ नजिकै भएको दुर्घटनामा दुईजना नेपालीहरुको मृत्यु भएको थियो । मृत्यु हुनेमा समिक्षा सुवेदी र गोपाल भण्डारी थिए । यसैगरी चालक भट्टराईसहित संगीत देवकोटा र अश्विन कँडेल घाइते भएका थिए ।
