काठमाडौं: बिहीवार साँझ न्युज २४ टेलिभिजनको कार्यालयबाटै सञ्चारकर्मी रवि लामिछाने पक्राउ परे। उनीसँगै अर्का पत्रकार युवराज कँडेललाई पनि प्रहरीले समात्यो। सञ्चारकर्मी लामिछाने पक्राउ पर्नुको एउटै कारण थियो पत्रकार शालिकराम पुडासैनीको आत्महत्या प्रकरण।
साउन २० गते नारायणढस्थित पोखरा बसपार्कमा रहेको होटेल कंगारुको २०२ नम्बर कोठामा सञ्चारकर्मी शालिकराम पुडासैनी मृत अवस्थामा फेला परेका थिए। प्रहरीले उनलाई होटेलको कोठा रहेको पंखामा डोरी लगाइ मृत अवस्थामा फेला पारेको थियो।
पत्रकार पुडासैनी करिब दुई महिना अगाडि लामिछानेले सञ्चालन गर्ने न्युज २४ बाट प्रसारण हुने 'जनतासँग सिधा कुरा'मा कार्यरत थिए। दुई महिनायता भने पुडासैनी माउन्टेन टेलिभिजनमा ‘मिसन न्युज’ कार्यक्रम सञ्चालन गर्दै आएका थिए।
पत्रकार पुडासैनीको मृत्यु प्रकरणमा रविको संलग्नता के थियो?
प्रहरीले लामिछानेलाई घटना भएको १० दिनपछि पक्राउ गर्नुको एउटै कारण थियो मृत्युअघि पुडासैनीले मोबाइलमा गरेको भिडियो रेकर्ड। प्रहरीले घटनास्थलबाट फेला पारेको भिडियोमा पुडासैनीले रुँदै भनेका छन् 'रवि दाई, मलाई मर्न बाध्य बनाएकोमा तपाईँहरूलाई पाप लाग्छ। केही केही दीनदुःखीको उद्धार पनि गर्नुभयो, तर अरूको प्रगति देख्न सक्नुभएन। दुनियाँलाई थर्काउनुभयो, ढिलो चाँडो दुनियाँले तपाईँको असली रूप देख्नेछ। मसँग प्रमाण छ, आज नभए पनि भोलि तपाईँको पापको घडा भरिन्छ।'
भिडियोमा उनले आफू आत्महत्या गर्नुको कारण रवि लामिछाने भएको दाबी गरेका थिए। मर्नुअघि छोडेर गएको भिडियो संवाद नै रविलाई हत्कडीसम्म पुर्याउने प्रमाण बन्यो। मृत्यु भएको समयमा नै प्रहरीले भिडियो हात पारिसकेको थियो। प्रहरीलाई मात्र होइन भिडियो भएको कुराकानीका केही अंशलाई लिएर समाचार समेत आएका थिए। आत्महत्याको कारण रवि भएको ट्याग लागिसकेको थियो।
तर चितवन प्रहरीले साउन २१ गते विज्ञप्ति निकाल्दै अनलाइनमा आएका समाचार अफवाहपूर्ण र अनुसन्धानलाई प्रभावित पार्ने भन्दै ध्यानाकर्षण गरायो। रविलाई बचाउन खोज्यो वा आफ्नो अनुसन्धानलाई भीडले प्रभावित पार्ने बुझ्यो?
.jpg)
.JPG)
