गुल्मीमा श्रीमानले श्रीमतीको हत्या गरेका छन्। 

जिल्लाको मुसिकोट नगरपालिका-७ वामीका ४२ वर्षीय सूूर्य बहादुर कुमालले आफ्नै श्रीमती ४० वर्षीया ताल कुमारी कुमाललाई कुटेर हत्या गरेका हुन्।

दुवै जनाले मदिरा सेवन गरी घरायसी झगडा हुुँदा श्रीमानले श्रीमतीलाई निर्घात रुपमा कुटेका थिए। 

कार्तिक १ गते श्रीमानको कुटाईबाट गम्भीर घाइते भएकी ताल कुमारीको उपचारको क्रममा लुम्बिनी वामी अस्पतालमा शुक्रबार मृत्यु भएको जिल्ला प्रहरी कार्यालय गुल्मीले जनाएको छ। प्रहरीले श्रीमानलाई पक्राउ गरी कारवाहीका लागि थप अनुसन्धान थालेको छ।