आगामी मङ्सिर ४ मा हुने प्रतिनिधि र प्रदेशसभा निर्वाचनका लागि बैतडीमा २३ जनाको उम्मेदवारी परेको छ।

दुवैतर्फ गरेर २३ जनाको उम्मेदवारी परेको मुख्य निर्वाचन अधिकृतको कार्यालयले जनाएको छ । 

प्रतिनिधिसभाको लागि एकमात्रै क्षेत्र रहेकामा १२ जनाको उम्मेदवारी परेको हो। यस्तै प्रदेशसभा (क)मा छ र प्रदेशसभा ९ख० मा पाँच जनाको उम्मेदवारी परेको छ।

प्रतिनिधिसभा सदस्य तर्फ सत्ता गठबन्धनका नेकपा (माओवादी केन्द्र)का नरेन्द्रबहादुर कुँवर, नेकपा (एमाले)का दामोदर भण्डारी, राप्रपा प्रेमबहादुर चन्द, राप्रपा नेपालका हिम्मत चन्द, पिपुल्स पार्टीका कृष्णबहादुर चन्द, राष्ट्रिय स्वतन्त्र पार्टीका प्रकाशचन्द्र भट्ट, नेमकिपाका कृष्णप्रसाद गोसाईँ र आनसिंह भण्डारी जनता समाजवादी पार्टीका तर्फबाट उम्मेदवार रहेका छन्।

यसका साथै प्रतिनिधिसभाकै लागि चार जनाले स्वतन्त्र उम्मेदवारी दर्ता गरेका छन्। उम्मेदवारी दिनेमा केशवबहादुर चन्द, परमानन्द भट्ट, मानसिंह विष्ट र त्रिलोकबहादुर चन्द रहेका छन्। चन्द नेपाली कांग्रेस र भट्ट नेकपा (एकीकृत समाजवादी)का रहेका रहेका बताइएको छ। उनीहरूले टिकट वितरणमा असन्तुष्टि रहेकाले स्वतन्त्र उम्मेदवारी दिएको बुझिएको छ।

यस्तै प्रदेशसभा (क)का लागि गठबन्धनका साझा उम्मेदवार कांग्रेसका वीरबहादुर विष्ट, एमालेका सुरेन्द्र पाल, राप्रपा नेपालका कृष्णा पन्त, एकीकृत समाजवादीका नरेन्द्र विष्ट, राप्रपाका रणबहादुर विष्ट र स्वतन्त्रबाट हरिमोहन भण्डारीले उम्मेदवारी दिएका छन्र। भण्डारीले कांग्रेसबाट टिकटको दौडमा रहे पनि टिकट नपाएपछि स्वतन्त्र उम्मेदवारी दिएका हुन्र। 

प्रदेशसभा ९ख० मा गठबन्धनका साझा उम्मेदवार कांग्रेसका शिवराज भट्ट, एमालेका लीलाधर भट्ट, राप्रपा नेपालका प्रेमबहादुर चन्द, नागरिक उन्मुक्ति पार्टीका रेवती बोहरा र राप्रपाका नारायणदत्त जोशीले उम्मेदवारी दिएका छन्र। उम्मेदवारी दिएकामध्ये फिर्ता लिन चाहनेले यही असोज २६ गते बिहान १० देखि दिउँसो १ बजेभित्र फिर्ता लिन सक्नेछन्।