थाहा पाउनुहोस् तपाईंको राशिफल

आजको पात्रो : ११ असोज २०७९, मंगलबार। तद्नुसार सेप्टेम्बर महिनाको २७।

आश्विन शुक्लपक्ष द्वीतीया, दुर्गा पक्ष आज ब्रह्मचारिणी देवीको पूजा आरधना गर्ने दिन हो। दुर्गापक्षका समयमा काठमाडौंको गृहेश्वरी, दक्षिणकाली, भद्रकाली मन्दिरमा  दर्शनार्थीको भीड लाग्ने गरेको छ।

आज बिहान सूर्योदय ५ः५५ मा भएको छ भने सूर्यास्त ५ः५६ मा हुनेछ। बालव करण, हस्त नक्षत्र, ब्रह्म योग, चन्द्रमा कन्या राशिमा रहेको छ। आज बिहान ११ः३२ देखि १२ः२० सम्म अभिजित मुहूर्त रहेको छ। यो समयमा शुभकार्य गर्न सकिन्छ। आजका देवता पार्वती, ग्रहदेव चन्द्र हुन्। मंगलबार बिहान गणेश मन्दिर र हनुमानको आरधना गर्ने दिन हो। दुर्गा पक्ष भएकाले आजको दिन देवी आरधना गर्ने दिन हो।

आजको राशिफल:
मेष(चु.चे.चो.ला.लि.लु.ले.लो.अ)

मेष राशि भएका जातकका लागि हरेक मंगलबार मनमा प्रसन्नता छाउने छ। धनलाभ, स्वास्थ्यमा प्रतिकुलता र विजय प्राप्त हुनेछ। आर्थिक आय हुनेछ। आजको दिन बिहान सूर्योदयको दर्शन गरेर दिनको शुरुवात गर्नुहोला। कसैसँग विवाद नगर्नुहोला।

वृष(इ.उ.ए.ओ.वा.वि.वु.वे.वो)
आजको दिन अध्ययन अध्यापनमा रुचि कम र मनमा चिन्ता छाउनेछ। आज यात्रा गर्न खोज्नु भएको छ भने यात्रा कष्टकर हुन सक्नेछ। यात्रा गर्नैपर्ने छ भने पूर्वदिशातर्फ फर्केर यात्रा शुरुवात गर्नुहोला। सकारात्मक सोच र कसैसँग विवाद हुने काम र कुरा नगर्दा राम्रो हुनेछ।

मिथुन (क.कि.कु.घ.ङ.छ.के.को.ह)
आजको दिन मिथुन राशिका जातकले सोचअनुसारको कुनै नयाँ काम गर्न सक्नुहुनेछ। विगतमा रोकिएका र अप्ठारा कामसमेत समाधान हुँदैन जानेछन्। अर्थलाभ र अध्ययन अध्यापनमा समेत सफलता मिल्नेछ। कसैसँग वैरभाव नराख्नुहोला। मनमा चिन्ता र भय छ भने त्यो हटदै जानेछ। बिहान सूर्योदयको दर्शन गर्नुहोला।

कर्कट(हि.हू.हे.हो.डा.डि.डु.डे.डो)
आजको दिन अनुकल देखिन्छ। धन प्राप्तिको योग बनेको छ। नयाँ वस्त्र खरिद गरेर लगाउन सक्नुहुनेछ। आफन्त र मित्रजनबाट साथ सहयोग पाउनुहुनेछ। विगतमा तपाइप्रति राग राख्ने मित्रसमेत सम्मानका शब्द प्रयोग गर्नेछन्। परिवारका सदस्यबीच सुमधुरता बढ्ने छ।

सिंह (मा.मि.मु.मे.मो.टा.टि.टु.टे)
आजको दिन घरपरिवार र मित्रसँग अनावश्यक विवाद नगर्नु होला। लामो दुरीको यात्रा पनि नगर्दा वेश हुनेछ। स्वास्थ्यमा प्रतिकुल असर र आर्थिक व्यय हुने सम्भावना बढी छ। अध्ययन अध्यापनको काममा बाधा उत्पन्न हुनसक्छ। तपाईले विश्वास गरेको मित्रबाट तपाईलाई धोका हुनसक्छ। मौन र आफनो काममा मात्र ध्यान दिनुहोला। आजको दिन शुभ छ।

कन्या(टो.प.पी.पू.ष.ण.ठ पे.पो)
दाम्पत्य जीवनमा सुख, समृद्धि हुँदै जानेछ। मंगलबार कुनै नयाँ काम शुरुवात र मानसम्मान समेत मिल्नेछ। तपाईले गरेको कामको मानसम्मान र व्यवसायमा समेत सोचेभन्दा बढी फाइदा हुनेछ। आजको दिन तपाईले केही कन्याहरुलाई फलफूल उपहार दिनु भयो भने तपाईको मनमा प्रशन्नता छाउनेछ । चन्द्रमाको साथ रहेको छ।

तुला( रा.री.रु.रे.रो.ता.ती.तु.ते)
आजको दिन समय त्यति अनुकुल देखिदैन। अनावश्यक यात्रा र अनावश्यक खर्च व्ययभार बढ्ने छ। आफ्नो स्वास्थ्यमा ध्यान दिनुहोला। परिवारका सदस्यमा समेत स्वास्थ्य समस्या हुनसक्छ। आजको दिन तुला राशिको जातकले कुनै पनि काम गर्दा ध्यान दिनुहोला। तपाईले सोचअनुसार काम नहुँदा मनमा उल्टो चिन्ता छाउने छ।

वृश्चिक(तो.ना.नि.नु.ने.नो.या.यि.यु)
व्यापार व्यवसायबाट लाभ हुनेछ। घरबाट बाहिर निस्कदा जेष्ठ श्रेष्ठ सदस्यलाई जानकारी दिएर काममा निस्कनु भयो भने आजको दिन तपाईको कार्य सफलता मिल्नेछ। आजको दिन मित्रहरुसँग भेट गर्दा लाभकारी कार्ययोजना बन्नेछन्। सरकारी काममा अवरोध आएको छ भने आजको दिन जानु भएमा काम छिटो हुनसक्छ।

धनु(ये.यो.भा.भी.भु.ध.फा.ढ.भे) 
काममा सफलता मिल्नेछ। तपाईलाई साथ सहयोग दिने कुनै एकजना मित्र र आफन्तलाई आजको दिन भेट गर्नुभयो भने तपाईलाई सकारात्मक उर्जा भरिने छ। आजको दिन नजिकको मठ मन्दिर वा घरका जेष्ठ सदस्यलाई केही उपहार दिनु राम्रो मानिन्छ। कसैसँग विवाद हुने काम नगर्नुहोला।

मकर(भो.जा.जी.जू.जे.जो.ख.खि.खु.खे.खो.गा.गी)
मकर राशिका जातकले आजको दिन अध्यात्मिक कार्य गर्दा मनमा प्रसन्नता छाउने छ। तपाईले आज आफ्नो बसोबास भएके स्थानमा रहेको मठ मन्दिर वा देवीको मन्दिरको दर्शन गर्दा तपाईले उत्साह प्राप्त गर्नसक्नुहुन्छ। आजको दिन हुनमानको दर्शन र हुनमान चालिसा पाठ गर्ने वा सुन्ने मात्रले पनि तपाईलाई उर्जा थप हुनेछ।

कुम्भ(गु.गे.गो.सा.सी.सु.से.सो.द)
स्वास्थ्यमा ध्यान दिनुपर्ने र यात्रा गर्नुभन्दा पहिले पूर्वतयारी गर्नुहोला। आकस्मिक समस्या र मनमा अशान्त छाउने छ। तपाईले सोचअनुसारको काममा कठिनाई हुनेछ। यदी व्यापार ब्यबसायमा हुनुहुन्छ भने धैर्यपूर्वक कार्य गर्नुहोला। आजको दिन तपाईले बालकलाई भोजन गराउनु भएकामा मनमा शान्ति मिल्नेछ।

मीन(दी.दु.थ.झ.ञ.दे.दो.च.ची)
दाम्पत्य जीवनमा सुख प्राप्तिका लागि परिवारका सदस्यहरुसँग यात्रा गर्नुहोला। मंगलवारको दिन घरमा गणेश मन्दिरमा गएर लड्डु चढाएर घरमा छोरा वा छोरीलाई दिनुभयो भने घरका सदस्यहरु बीच सम्बन्ध सुमधुर हुनेछ। आकस्मिक धनलाभ व्यापार ब्यबसायबाट नसोचेको फाइदा मिल्नेछ। शिवालय र देवालय यात्राले मनमा हर्ष छाउने छ। अध्ययन अध्यापनमा मन जानेछ।

प्रकाशित मिति: : 2022-09-27 06:05:00

प्रतिकृया दिनुहोस्