हराए मान्छेमा अनुकम्पा
कसले बसायो सिस्टम
हराए बारीमा चम्पा
हराए अस्पतालमा वेड
कसले बसायो सिस्टम
हराए मिडियामा आउने विकासप्रेमी हेड
हराए कोभिडको खोप
कसले बसायो सिस्टम
हराए विपतीमा ठग्नेहरुलाई ध्वस्त पार्ने तोप
हराए झ्यालखानामा सूली
कसले बसायो सिस्टम
हराए नाकमा फुली
हराए राज्यमा राजा
कसले बसायो सिस्टम
हराए प्राचिन बाजा
हराए जंगलमा हाँडिफोर
कसले बसायो सिस्टम
हराए नारायण गोपालका स्वर
हराए नेतामा मार्क्सवाद
कसले बसायो सिस्टम
हराए समाजमा समाजवाद
हराए प्रजामा राजतन्त्रको मोह
कसले बसायो सिस्टम
हराए भ्रष्ट बढार्ने बह
हराए नेतामा समाजवाद लोकतन्त्र
कसले बसायो सिस्टम
हराए विज्ञ- मजबुद बनाउने अर्थतन्त्र
हराए हर-घरमा डोको
कसले बसायो सिस्टम
हराए देउती बोको
हराए हर फाँटमा कोदो जौँ-फापर
कसले बसायो सिस्टम
हराए हर-ढाटमा नाम्लो ढाकर।