ललितपुरको पुल्चोकमा ट्राफिक प्रहरी जवान कमलप्रसाद घिमिरेलाई निर्घात कुटपिट गर्ने ७ जना छुटेका छन्।

६ जनामा कोरोना संक्रमण देखिएको र एकजना दमको बिरामी भएकोले उनीहरुलाई सोमबार छाडेको ललितपुरका प्रहरी प्रमुख एसएसपी टेकप्रसाद राईले बताए।

उनका अनुसार ७ जनालाई हाजिरी जवानीमा छोडिएको हाे। अपराध महाशाखाले पक्राउ गरी परिसरमा बुझाएपछि उनीहरुलाई अभद्र व्यवहारको मुद्दा चलाइएको छ।

उक्त घटनामा प्रहरीले २० जनालाई नियन्त्रणमा लिएको थियो। १३ जनालाई भने प्रहरीले छोडेको छैन। उनीहरु मध्ये १० जनाको पीसीआर रिपोर्ट आउन बाँकी छ।