डोल्पामा बोलेरो दुर्घटना हुँदा पाँचजना घाइते भएका छन्। उनीहरुमध्ये तीन जनाको अवस्था गम्भीर रहेको छ।

आज बिहान त्रिपूरा सुन्दरी नगरपालिका ५ को खदाङबाट फुल्चीङ जाने क्रममा लु १ च ४२२९ नम्बरको बोलेरो दुर्घटना भएको जिल्ला प्रहरी कार्यालयले जनाएको छ।

दुर्घटनामा त्रिपूरा सुन्दरी नगरपालिका ५ का २४ वर्षीय रामबहादुर रोकाया, २५ वर्षीय नरबहादुर रोकाया, त्रिपुरा सुन्दरी ६ का १३ वर्षीय लोकचन्द्र बिक, २६ वर्षीय हिरा बिक र २५ वर्षीय निमा पुन घाइते भएका छन्।

घाइतेहरुलाई उद्धार गरेर जिल्ला अस्पताल ल्याउन लागिएको जिल्ला प्रहरी कार्यालयका डिएसपी नारायण रञ्जितकारले बताए। उनका अनुसार घाइतेहरुमध्ये चालक रामबहादुर रोकाया, लोकचन्द्र विक र नरबहादुर रोकायाको अवस्था गम्भीर रहेको छ।