काठमाडौं महानगरपालिका-२९ अनामनगरमा श्रीमतीको हत्या गरेको आरोपमा श्रीमान पक्राउ परेका छन्।

अनामनगर बस्ने बर्दिया बाँसगढी नगरपालिका ९ घर भएका ३६ वर्षीय अजय विकलाई प्रहरीले गत सोमबार बेलुकी पक्राउ गरेको हो।

उनले आफ्नै श्रीमती ३३ वर्षीया पार्वती खड्कामाथि छुरा प्रहार गरी हत्या गरेका थिए।

प्रहरीका अनुसार घरायसी विवादमा विकले पार्वतीलाई छुरा प्रहार गर्दा गम्भीर घाइते भएकी थिइन्। महानगरीय प्रहरी वृत्त सिंहदरबारबाट खटिएको टोलीले विकलाई पक्राउ गरेको हो।

घाइते पार्वतीको बानेश्वरस्थित सिभिल अस्पतालमा उपचारको क्रममा मृत्यु भएको थियो।