पाल्पाकाे रम्भा गाउँपालिका ३, पिपलडाँडामा पहिरोमा पुरिएर एकजना बेपत्ता भएका छन् ।

नजिकको खोल्सामा पानी पिएर फर्किने क्रममा पहिरोमा पुरिएर सोमबार अपरान्हदेखि ३१ वर्षीय राजकुमार थापा बेपत्ता भएको राम्दी प्रहरी चौकीले जनाएको छ । 

राजकुमारसँगै गएका उनका भाइ कमल थापाले परिवारमा जानकारी दिएका हुन् ।

 पहिरो ठूलो भएकाले स्थानीय र प्रहरीको पहलमा बेपत्ता राजकुमारको खोजी कार्य जारी रहेकाे प्रहरीले जनाएकाे छ।

पहिरो पन्छाउन डोजर प्रयोग गर्न सक्ने अवस्था समेत नरहेकाले ढिलाइ भएको प्रहरीले जनाएकाे छ।