बाराबाट सशस्त्र प्रहरी प्रहरीले १८० किलोग्राम गाँजासहित एउटा कार नियन्त्रणमा लिएको छ।

सशस्त्र प्रहरी छिन्नमस्ता बाहिनी टोलीले बारा कोल्ची नगरपालिका १ श्रीपुर मसहर्नास्थित सिम्रनगढ जाने बाटोबाट सोमबार बिहान गाँजासहित कार बरामद गरेको हो।

सशस्त्र प्रहरीको टोली विशेष सूचनाको आधारमा कार समात्न आकस्मिक रुपमा निस्केको थियो। प्रहरीलाई देखेपछि केही परै प्रदेश नम्बर ३ ०२२च ८१३४ नम्बरको कार रोकेर चालक फरार भएको सशस्त्र प्रहरी दुई नम्बर प्रदेश प्रमुख प्रहरी नायब महानिरीक्षक कृष्णभक्त ब्रह्मचार्यले बताए।

कारभित्र प्लाष्टिकले पोको पारेको २० किलोको ७ पोका र १० किलोको ४ पोका गाँजा बरामद गरिएकाे थियाे।

प्रहरीले फरार व्यक्तिको खोजी गरिरहेको छ। गाँजा भारततर्फ तस्करीका लागि मकवानपुरबाट लगिएको हुनसक्ने आशंका प्रहरीको छ।