कालिकोटको तिलागुफा -१ नाग्म बजारमा गएको पहिरोमा मृत्यु हुनेको संख्या चार पुगेको छ। आइतबार बिहन साढे ७ बजेतिर गएको सुख्ख पहिरोमा परी पुरिएर नाग्म बजारका स्थानीय चारजनाको मृत्यु भएको डिएसपी श्यामबाबु ओलीयाले जानकारी दिए। 

उनका अनुसार नाग्म बजारमा गएको पहिरोमा मृत्यु हुनेहरुमा नाग्म बजारमा  व्यवसाय गरि बसेका ४० वर्षीय परेक शाही, उनका ५ वर्षीय छोरा निराजन शाही, दुई महिनाको छोरा अक्कल शाही र ७ वर्षीया छोरी हिमा शाही रहेका छन्। उनकी श्रीमती पुन्या शाही र स्थानीय अर्जुन हमालको जिवितै उद्धार गरी उपचारका कर्णाली स्वास्थ्य विज्ञान प्रतिष्ठान जुम्ला ल्याइएको छ। 

पहिरोमा परेका तीनजना अझै वेपत्ता छन्। स्थानीय मनवीर कटुवाल, आइती खड्का र उनको मासु पसलमा काम गर्ने कामदार व्यक्ति वेपत्ता छन्। उनीहरुको खोजीमा  नेपाल प्रहरी, सशस्त्र प्रहरी र स्थानीय लागिरहेका छन्।

पहिरोमा चार घर पहिरोमा पुरिएको र थप मान्छे वेपत्ता भएको हुनसक्ने डिएसपी अालियाले बताए। पसलमा आएका ग्राहक पनि पुरिएको हुनसक्ने उनकाे अनुमान छ।