जिल्लास्थित जानकी गाउँपालिका वडा नम्बर ६ मा हावाहुरीले भाँचिएको रुखको हाँगा लागेर एक १० वर्षीय बालिकाको मृत्यु भएको छ।
बिहीबार बिहान एक्कासी चलेको हावाहुरीले घर नजिकैको रुखको हाँगा भाँचिदा आँगन खेलिरहेकी वडा नम्बर ६ बुढिया गाउँकी निजामुन खाँको मृत्यु भएको हो।
बाँके प्रहरीका अनुसार मृतक खाँ आँगनमा खेलिरहेको बेलामा एक्कासी चलेको हावाहुरीले आँपको रुखको हाँगा भाँचिदा उनलाई थिचेको थियो।
हाँगा लागेर गम्भीर घाइते भएकी उनलाई थप उपचारको लागि भेरी अस्पताल ल्याइएपनि डाक्टरले मृत्यु भइसकेको जानकारी दिएको जिल्ला प्रहरी कार्यालय बाँकेले जनाएको छ।
बिहीबार बिहान बाँके लगायतका पश्चिम क्षेत्रमा तीव्र गतिमा हावाहुरी चलेको थियो। हावाहुरीले किसानले लगाएका बालीमा क्षति पुगेको अनुमान गरिएको छ।
.jpg)
