कोहलपुरमा नेपाली सेनाको गाडीले मोटरसाइकललाई ठक्कर दिँदा एक  युवकको मृत्यु भएको छ । कोहलपुर–नेपालगञ्ज सडकखण्ड अन्तर्गत कोहलपुर ११ को एनटिभी रोड नजिकै शनिबार साँझ भएको दुर्घटनामा ती युवकको घटनास्थल मै मृत्यु भएको हो । 

मृत्यु हुनेमा कोहलपुर नगरपालिका वडा नम्बर २ का २४ वर्षीय किरण भूसाल रहेका छन्। प्रहरीका अनुसार नेपालगञ्जबाट कोहलपुतर्फ आउँदै गरेको नेपाली सेनाको बा २ झ ६३४१ नम्बरको गाडीले भे ४ प ७६२० नम्बरको मोटरसाइकललाई ठक्कर दिएको थियो ।

गाडीको ठक्करबाट मोटरसाइकलमा सवार बर्दियाको बारबर्दिया नगरपालिका ४ की २७ वर्षीय प्रतिक्षा भूसाल गम्भीर घाइते भएकी छन् । ईलाका प्रहरी कार्यालय कोहलपुरका प्रमुख डिएसपी कुलदेव चन्दले घाइते भूसालको अहिले नेपालगञ्ज मेडिकल कलेज कोहलपुरमा उपचार भइरहेको छ। 

मोटरसाइकललाई ठक्कर दिने सेनाको गाडीलाई नियन्त्रणमा लिएर आवश्यक अनुसन्धान सुरु गरेको उनले जानकारी दिए।