काठमाडौं । नेपालगञ्जबाट यात्रु बोकेर काठमाडौं विमानस्थलमा अवतरण गर्ने क्रममा यती एयरलाइन्सको जहाज विमानस्थलमा चिप्लीएको छ।
शुक्रबार बिहान नेपालगञ्जबाट यात्रु बोकेर आएको यती एयरलाइन्सको एटीआर–७२ को जहाज शुक्रबार बिहान धावनमार्गमा चिप्लिएको त्रिभुवन अन्तर्राष्ट्रिय विमानस्थलका प्रवक्ता प्रतापबाबु तिवारीले जानकारी दिए।
जहाज धावनमार्गमै चिप्लिएपछि अहिले विमान उडान अवरूद्ध बनेको छ।
विमानमा चालक दलसहित ६८ यात्रु थिए। जहाज रनवेबाट चिप्लिएर १५ मिटर पर घाँसे मैदानमा पुगेको विमानस्थलका प्रवक्ता तिवारीले जानकारी दिए। विमान चिप्लिएसँगै विमानमा सवार तीन जना यात्रु घाइते भएका छन्। उनीहरूलाई केएमसी अस्पताल पठाइसकिएको उनले जानकारी दिए। चिप्लिएको जहाज निकाल्ने काम सुरू भइरहेको विमानस्थलका एसएसपी सन्दीप भण्डारीले जानकारी दिए।
.jpg)
