काठमाडौं । सोमबार बिहान ललितपुरको भैसेपाटी प्रहरी चौकीबाट झ्याल तोडेर भागेका ३ मध्ये २ थुनुवा पक्राउ परेका छन्।

महानगरीय प्रहरी परिसर ललितपुरका प्रमुख एसएसपी रविन्द्र धानुकका अनुसार प्रहरी हिरासतबाट भागेका रूद्र श्रेष्ठ र समशेर माझीलाई प्रहरीले बौद्धको घ्याम्पे डाँडाबाट पक्राउ गरेको हो ।

लुकिछिपी बसेको अवस्थामा प्रहरीले उनीहरुलाई बुधबार पक्राउ गरेको एसएसपी धानुकले बताए।

उनीहरुसँगै भागेका अर्को कैदी फरार हरेको र उनको खोजीकार्य जारी रहेको एसएसपी धानुकले बताए।