बीरगञ्ज भन्सारका ७ बिचौलियालाई नेपाल प्रहरीले पक्राउ गरेको छ । जिल्ला प्रहरी कार्यालय बीरगञ्जले भन्सार कार्यालयका कर्मचारीसँग मिलोमतोमा अवैध काम गर्दै आइरहेका ७ बिचौलियालाई पक्राउ गरेको हो।

भन्सार कर्मचारीसँग मिलेर अवैध कार्यमा संलग्न गरेको भन्दै प्रहरीले बीरगञ्ज उप–महानगरपालिका १६ बस्ने मुतुस्जाव मिया, अली हुसेन, राहुल गुप्ता, एनुल हक, दीपकिशोर उपाध्याय र दीनेश कुमार महतोलाई पक्राउ गरेको प्रहरी कार्यालय पर्साले जनाएको छ ।

उनीहरूले भारतबाट आयात हुने विभिन्न सामाग्री र सवारी साधनको करमा बढी रकम लिएर भन्सारका कर्मचारीसँग मिलेर काम गर्ने गरेको गुनासोपछि प्रहरीले उनीहरूलाई निगरानीमा राखेको थियो।

उनीहरूको अनुसन्धान भइरहेको प्रहरीले जनाएको छ।