केही समययता काठमाडौं उपत्यकामा युवतीहरूमाथि श्रङ्खलाबद्ध सिरिञ्ज आक्रमण गर्ने युवा पक्राउ परेको प्रहरीले जनाएको छ । 

महानगरीय प्रहरी परिसर काठमाडौंका अनुसार पक्राउ पर्ने रामेछाप घर भइ नैकाप बस्दै आएका ३० वर्षीय सन्तोष कार्की हुन् । उनलाई महानगरीय प्रहरी परिसर काठमाडौंको विशेष टोलीले महाराजगञ्जको भाटभटेनी नजिकबाट गएराति साढे १२ बजे पक्राउ गरेको हो ।

कार्कीले बयानमा आफूले सिरिञ्जले नभएर किलाले युवतीलाई घाेचेर भाग्ने गरेको बताएका छन्। उनले रमाइलोको लागि त्यसो गरेको पनि बताएको एक प्रहरी अधिकृतले ब्रेक एन लिंक्सलाई बताए ।

अहिलेसम्म ९ जना युवतीमाथि आक्रमण भैसकेको बताइएको छ । ती सबैलाई कार्की एक्लैले आक्रमण गरेका हुन् वा अरू पनि यसमा संलग्न छन् ?, अनुसन्धान जारी रहेको प्रहरीले बताउको छ । 

कार्कीले किन आक्रमण गरे भन्नेबारे भने अझै केही खुल्न सकेको छैन । प्रहरीले त्यसबारेमा अनुसन्धान जारी रहेको बताएको छ ।