नेपाली बजारमा सुनको भाउमा उच्च वृद्धि भएर यो वर्षकै उच्च मूल्यको नयाँ कीर्तिमान बनाएको छ ।
नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य तोलाको ६३ हजार पुगेको छ । विहिबार मात्र तोलामा एकसय वृद्धि भई ६२ हजार चारसयमा कारोबार भएको सुनको भाउ शुक्रबार तोलामा छसय वृद्धि भएको हो ।
यसैगरी तेजावी सुनको भाउ पनि ६२ हजार सातसय पुगेको छ ।
अन्तर्राष्ट्रिय बजारमा सुनको मूल्यवृद्धि भएसँगै स्थानीय बजारमा पनि भाउ उकालो लागेको हो ।
अन्तर्राष्ट्रिय बजारमा शुक्रबार सुन प्रतिऔंस एकहजार तीनसय ६० डलरमा कारोबार भएको थियो ।
.jpg)
