हेलो ! बुवा नमस्ते ।
मंगलमान महर्जनको नम्बर डायल गर्दा दिनको त्यस्तै दुई बजेको हुँदो हो ।
मंगलमान बोले, ‘कहाँ हुनुहुन्छ ?’
‘पठाओ चढ्नका लागि होइन बुवा । बसेर कुरा गरौँ भनेर फोन गरेको ।’
मंंगलमान बोल्छन् : ‘ट्रिपमा छु । पाँच मिनेटमा कालिकास्थान पुग्छु । व्यस्त हुन्छु, कसरी कुरा गर्नु ?’
हामीले भन्यौं, ‘केही छैन, हामी पनि तपाईंकै ‘पठाओ’ चढौला नि !’
०००
मंगलमान पाँच मिनेटमै आइसकेका रहेछन् । हामी १० मिनेटमा पुग्दा चुरोट पिउँदै थिए ।
कपाल फुलिसकेको छ । तर, मंगलमानलाई जवान देखिन मन लागेर होला, कालो हालेका छन् । हेल्मेटले कपाल अस्तव्यस्त । दाँत एउटै सद्दे छैन ।
