काठमाण्डूका कम्तीमा दुईवटा होटलमा झण्डै सय वर्ष पुराना पुरातात्विक तथा कलात्मक महत्त्वका इँटाहरू सजावटका रूपमा प्रदर्शनमा राखेको थाहाभएपछि पुरातात्विक महत्वका अन्य महत्त्वपूर्ण अवशेषको सुरक्षाका बारेमा गम्भीर चिन्ताहरू व्यक्त भएका छन्।
सुरुमा समाजिक सञ्जालको एक वेबसाइट ट्विटरमा ती इँटहरू सहित होटलका फोटोहरू राखिएपछि कतिपय समाजिक सञ्जाल प्रयोगकर्ताहरूले भूकम्पका कारण क्षतिग्रस्त धरहरा लगायतका पुरातात्विक तथा सांस्कृतिक महत्वका स्थानहरूबाट अनाधिकृत रूपमा ती इँटहरू लगिएको हुनसक्ने आशंका व्यक्त गरेका थिए।
