प्रिय कमरेड घनश्याम भुसाल,
केही मानिस हुन्छन् जसलाई कहिल्यै नभेटे पनि परिचितजस्तै लाग्छ। जसबारे सोच्दा एक किसिमको विश्वास र आत्मीयताको भाव उत्पन्न हुन्छ। नेपालको राजनीतिक वृत्तका त्यस्ता अत्यन्तै सीमित मानिसमध्ये एक तपाईं हुनुहुन्छ।
तपाईंसँग एक पटक छोटो भेट भएको थियो, सायद त्यो यहाँको स्मृतिमा छैन। प्रत्यक्ष तपाईंका कुरा सुनेको २०७३ सालको नेपाल साहित्य मेलामा पोखरामा हो। अर्का विद्वान् हरि शर्मासहितको एक घन्टे छलफलको विषय बढ्दो ‘पपुलिस्ट’ राजनीति थियो। समय समाप्त भइसक्दा पनि दर्शकदीर्घामा ‘अझै यिनै मानिसका कुरा सुनिरहन पाए हुने’ भन्ने गाढा भावना उत्पन्न भएको थियो।
