शीतयुद्धको समाप्तिसँगै भू–अर्थनीति भू–राजनीतिसँग प्राथमिकतामा जोडियो। सबैको ध्यान खोजी बजार, विकासतिर गयो। तत्कालीन अमेरिकी विदेशमन्त्री क्रिस्टोफर वारेन भियतनाम भ्रमणमा जाँदै गर्दा प्रश्न सोधियो, ‘शत्रु राष्ट्र भियतनाम जाँदै हुनुहुन्छ, विगत बिर्सनुभयो ? ’ उनले भने– पहिले (शीतयुद्धकालमा) हामी बढी सुरक्षामा केन्द्रित थियौं, अब अमेरिकी वस्तु बिक्रीका लागि ठूला–ठूला बजारको खोजी छ। सबैको ध्यान अर्थतन्त्र बलियो बनाएर राष्ट्रिय शक्तिका आधारशिला मजबुत गर्ने र रूपान्तरणको एजेण्डातिर गयो।
खुला अर्थतन्त्र, खुला बजार नीति अपनाउँदै भू–मण्डलीकरणको लहर आयो। सीमा खुकुलो गर्ने या बोर्डर वल्र्डका अवधारणा अगाडि आए। वस्तु, सेवा र मानिसको आवत–जावत बढ्दै गयो। यसबाट चीनलगायतका केही सक्षम राष्ट्रहरूले व्यापार, लगानी बढाउँदै आर्थिक विकास गरे।
अमेरिकी नेतृत्वमा चलेको अन्तर्राष्ट्रिय विश्व राजनीति र अर्थ–व्यवस्थाप्रतिको आकर्षण बढ्दै गयो।
